Press "Enter" to skip to content

94-anyos Na Lola, Bulag Ng Higit Isang Dekada, Milagrong Nagbalik Ang Paningin!

Itinuturing na isang milagro ang muling pagbabalik ng paningin ng isang 94-anyos na lola matapos ang higit isang dekada na pagiging bulag.

Milagro

Ikinuwento sa isang episode ng “Kapuso Mo, Jessica Soho” ang milagro na nangyari kay Lola Teting na mula sa Buruanga, Aklan.

94-anyos Na Lola, Bulag Ng Higit Isang Dekada, Milagrong Nagbalik Ang Paningin! 2

Nabulag si Lola Teting noong 2008 ngunit muling nagbalik ang paningin ngayong taon.

Ayon kay Lola Teting, nanaginip ito kamakailan lamang na nakakakita na ito. Dalawang araw makalipas, tunay ngang nakakita na ang lola. Tinawag pa nito ang anak at ibinalita ang magandang regalo sakanya.

“Nanaginip ako na nakakakita na ako.”

Dagdag pa nito,

“Mga dalawang araw, paggising ko, ay nakita ko na ang aking anak, tinawag ko, ‘Nakakakita na ako, ne.”

Pananampalataya

Laking tuwa ng mga kaanak ni Lola Teting lalo na ang kanyang mga anak at apo. Itiuturing ito ng pamilya bilang isang milagro at dahil sa matibay na pananampalataya ng matanda sa Panginoon. Ito rin ang paniniwala ng manugang ni Lola Teting na si Juana Dela Cruz.

94-anyos Na Lola, Bulag Ng Higit Isang Dekada, Milagrong Nagbalik Ang Paningin! 3

Katarata

Ayon kay Lola Teting, nawala ang paningin nito nang dahil sa katarata. Noong una ay kaliwang mata lamang nito ang nawalan ng paningin ngunit kalaunan ay pati ang kanyang kanang mata na rin. Hinaing ng butihing lola, natakot ito nang mawala ang kanyang paningin. Dahil kasabay nito ay ang paghina na rin ng kanyang pandinig dulot na din ng katandaan.

Pahayag naman ng apo nito na si Milven na syang lumaki kasama ang kanyang lola,

“Noong bata kami talagang ’pag pinapagalitan kasi kami ng parents ko, sa kanya talaga ako tumatakbo. ‘Yun na lang din ‘yung puwede naming iparamdam sa kanya na ngayon naman na siya din iyong nangangailangan”

Kwento pa ng pamilya, noon ay nakatakda para sa laser eye surgery ang matanda. Ganunpaman, hindi ito natuloy dahil sa pagtaas ng presyon nito bago ituloy ang operasyon.

Pagrorosaryo

Kahit pa man nabawian ng paningin si Lola Teting, hindi ito naging hadlang para patuloy na magrosaryo sa araw araw. At isang araw nang magising ito, isang milagro o magandang regalo ang natanggap nito- ang pagbabalik ng kanyang paningin.

Isa sa mga pinakamasaya ang apo nitong si Milven, kaya naman nakapagselfie ang mag-lola sa sobrang saya.

Opinyon ng mga doktor

Para makasiguro, minabuti na patingnan si Lola Teting sa isang espesyalista.

Ayon dito, hindi pa rin ligtas sa pagkabulag ang matanda. Maaaring lumipat lamang sa ibang parte ng mga mata nito ang katarata. Gayunpaman, masaya pa rin si Lola Teting sa muling pagbabalik ng paningin matapos ang higit isanb dekada.

LOLANG MAHIGIT 10 TAON NANG BULAG, BIGLANG NAKAKITA!

LOLANG MAHIGIT 10 TAON NANG BULAG, BIGLANG NAKAKITA!Mahigit isang dekada nang bulag si Lola Teting. Pero kamakailan lang, bigla siyang nakakakita ulit! Isa nga ba itong himala?

Posted by Kapuso Mo, Jessica Soho (One at Heart, Jessica Soho) on Sunday, August 9, 2020

Source: GMA News Online

Be First to Comment

Leave a Reply

%d bloggers like this: